Að komast í gírinn

Posted on 2006.07.14 Updated on 2015.03.04

Í fyrramálið reisum við til Friedrichshafen og Unterraderach og núna erum við á fullu að pakka og ganga frá því sem við ætlum að íþyngja okkur með. Í þessum efnum er Guðný auðvitað í aðalhlutverki, en enginn er henni snjallari í frágangi ofaní töskur. Ég sé hinsvegar um tæknihliðina og tek að mér að vera ábúðarfullur þegar þörf krefur. 🙂

Sigga Beta mín elskuleg hefur tekið að sér að aka okkur út á flugvöll eldsnemma í fyrramálið og það er ákaflega þakkarvert því það er ekki eftirlæti neins að brölta þessa leið í rútu. Og svo getur maður mætt á þeim tíma sem manni best hentar.